Ci era centu battaglioni,per batte una milizia
Sò ghjunti cù li cannoni,trà armata e pulizza
Di sottumette lu Corsu,per elli era divizia (x2)

Ghjunsenu li generali,di l’armata ingannatore
Per cummincià li carnaghji,di lu populu maggiore
La bandera insanguinnata,oghje un li face onore
S’arrizzebinu li Corsi,per salvà lu patrimoniu
E contr’a l’ingannatori,si frustebbinu lu coghju
Strada dritta e core in fronte,per more sott’a un ponte (x2)

Malgradu la resistenza,chi fù longa e feroce
Ci abbandunebbi la scenza,per purtà la nostra croce
Di lu populu di Cirnu,si tacì ancu la voce (x2)

Poi ci fubbe l’esiliu,e lu macellu di guerra
Tombebbinu babbi e figliu,cundanebbinu la terra
E di la testa di moru,cummincebbi la traferia
L’anima di a Nazione,purtantu un era morta
Si discitò la passione,in Aleria una volta
E sposa di la ragione,hé in marchja la rivolta!! (x2)

Vogliu cantà li mio lochi, é cuntà li sò tesori
Vogliu accende li mio fochi, per sta pieve ch’aghju in core
Casacconi hé lu sò nome, terra di taman’amore

Parleraghju di i Prunelli, paese di a vindetta
Hà vistu tanti macelli, una guerra maladetta
Duie famiglie stirpate, causa d’una capretta

Di la Penta é l’Acquatella, sentu sempre lu dulore
Hé quella d’una zitella, chi hà persu lu s’amore
Qui a Francescha-Maria, l’anu crepatu lu core

Di ferraghju trenta quattru, in l’Ortiporiu supranu
Cume ottu hé quattru é quattru, a neve ci hà fattu dannu
Ne sunnonu lu murtoriu, pè e famiglie in affanu

Sempre sposti a e sulane, Crucichja é Sant’Andria
Facenu sente e campane, di a sò chjesa vicina
Chi per ogni paisani, ne serà sempre la guida

E pò si chjama Campile, lu vechju capicantone
E in ste case tranquille, ribombavanu e canzone
Quandu chi lu sgiò Gavini, vincia qualch’elezzione

Ci hé l’Olmu chi guarda in faccia, traditu é pò brusgiatu
Dà Genuva l’armataccia, é quellu ch’hà palisatu
Hé dà la sò cara sposa, chi u sò capu fù tagliatu

Compieremu pè u Monte, paisucciu innapellatu
Chi alza sempre u fronte, guardendu l’astru latu
Fermerà sempre per mè, in u mio core paru…

Niculaiu Giustiniani, Di Ghjugnu 2010

In l’alba matutine
U pesu de a solitutine
Ti lampà sempre in faccia
L’addisperu chi t’abbraccia

I to occhji so sculuriti
Da e disgrazie e ferite
D’una essistenza straziatà
D’una vita marturiatà

U to esse dislaziatu
D’ave tantu straziatu
Porta nantu a le so spalle
Tante piaghe infernale

U tempu sgrana é so ore
Pisie é senza sapore
Veculateda e staggione
Chicorrenu senza passione…

Cun la to mana pisata
Cerchi sempre un’occhjata
Di fronte à l’indifferenza
Chi bagna é nostre cuscenze

Ma u curtéu di a ghjente
Face nizu d’un risente
A miséria chi porti à colu
Fasciata di i so pani di dolu

E’ssa miséria chi galoppà
Quant’ella ne piglia ingruppà
Quand’ella sparghje e so alle
Po piglià à n’importa qualle

A tombola di à vita
Oghje é tuccatà à té
Dumane qual’hé chi sà
Quale’la po piglia

G.F. Salge, Di Ghjennaghju 2008

Di nuvembre, lu vintisei,
Cun seimilla guerrieri
Partenu sette galere
Di Spagna gloriose e fiere

Da Barcellona sottu e stelle
U ventu ingunfio e velle
Cun canti e riturnelle
Da strapassi le canelle

Pe aiuta a Bonifaziu
Doria un misuro u straziu
Un li mancava u laziu
Di fronte a tamenta disgrazia

Lu tempu giro estrosu
E si leva u marosu
E un n’e purto riposu
Pe u figliolu e lu sposu

E di e sette galere
S’alzonu mille preghere
Per scunghjurà à sorte
Chi li purtava à mort

Tempu passata a a Giraglia
Divento una vera battaglia!
Da lu celu à mitraglia
O tamanta pagaglia!

A timpesta sciaffitava
Cuntra i scogli inabissava
strapazzendu e sette nave
Solu cinque funu salve

Oghje ferma in memoria
U ricordu di’ssa storia
Pe ampara chi a gioia`
Un si misurà a à voglia

E chjama a chi vole sente
Ch’ellu tenghia mente
Poi esse u piu putente
E raggione un vulè sente…

G.F. Salge, Di Marzu 2011

Era di Maghju lu ghjornu
Induve ci nasce caspura
Tante ghjente in stu decoru
Cù una sola primura
Facianu trimà a terra
Senza teme alcun’paura

Era gioia,era allegria
Era stonda di spartera
Per sustene a Bastia
Ci era la Corsica intera
Si sentianu l’evvive
Ognunu a a sò manera

Mà ùn era nancu notte
Ch’affacò lu tradimentu
E si discitò la sorte
Furiosa cume lu ventu
Si tacianu e rivolte
In un soffiu di spaventu

In i bughjuli languenti
Tutta la ghjente curria
A chi circava parenti
A chi era a l’agunia
E crescianu li pienti
In sta tamanta pazzi

E po rivecu e fiure
Di tremendi ghjucadori
Aprendu le serrature
A tanti sustenidori
Donne,omi e zitelli

In un grande corri corri
E dipoi e oramai
In a piaghja Furianinca
In memoria di i guaii
E per ùn scurdassi micca
Diciottu nomi stampati
In una bella petra arritta…

Niculaiu Giustiniani, Di Ferraghju 2012

In lu mare qualla,
Ci sta a Corsica
Paradisu di benista,
Induve si po cantà,
Induve si po parlà
Una lingua chi face sunnia.

Una lingua chi va,
Un lingua chi sa
Fassi sente quind’e qualla
E fin’ch’ella sera,
A feremu viaghja
In lu mondu senza pienta.

Parlata ava,
E fate parlà
Fate la campà
In bocca vostra
A lingua liberta.

He un fiore chi s’apre,
Nant’a tutte le lapre
So parulle in quantita
Di dturiett’e di fole,
Hé d’inguernu hé di sole
Hé liberu lu so anda

Si sa a debulezza,
E si sa cun certezza
Ch’ella hé sempre da salva
Interessu cumunu,
Hé di tutt’hé d’ognunu
Demuli un novu campà.

Parlata ava,
E fate parlà
Fate la campà
In bocca vostra
A lingua liberta.

Ragione di luttà,
E ragione di stà
Cume un simbulu da francà
Ancu quellu chi a sà,
Mutu un si po stà
Hé da sparte e da ampara.

Da li tempi a andà,
O Corsu un ti scurda
In paese o pur’in cita,
Di fa la ribumba,
E di falla schjatta
Cum’un frombu d’identita.

Parlata ava,
E fate parlà
Fate la campà
In bocca vostra
A lingua liberta.

Niculaiu Giustiniani, 2014

Elli so cume li venti
Falanu di l’alte cime
Cumbattendu li Turmenti
Ind’e tutte le cunfine
Portanu più d’un affolu
A l’umanu addisperatu
Degni figlioli di Golu
Cert’a vita anu datu

Ribelli

Elli so cume lu granu
Richezza d’una Nazione
D’inguernu o di veranu
Fiuriscenu e stagione
Cumbattenti di a storia
Salutemu a vostra fede
Ste fiara di mimoria
Fiumoni di l’arcisete

Ribelli

Elli so omi sinceri
In brama di libertà
Fendu oghje cume eri
Terricciu d’umanita
Anu un populu a fiancu
E si tutt’ùn’hè divizia
U paisanu ùn’hè stancu
E aspeta la nutizia

Ribelli

Ghjuventu si stu paese
L’ancata he stata scura
Mà quand’e vele so tese
L’imbuccatur’he sicura
Ghjunentu di stu paese
Un ti scurda di a to storia
Chi quandu l’ale so tese
L’alba si chjama vittoria

Ribelli

Lavighju Franceschi, Di Ferraghju 2014

Maladettu ‘ssu ghjornu, Chi mi purtò ruvina
I mio sogni zirellini, Lampati in pulvina
Pé I chjassi di l’esiliu, À l’ora mattutina

Riveghu i mio vecchji, Arriti in curtile
U mio babbu fieru, Ancu lu so fusgile
E mamma chi pienghje, in mane un mandile

U vostru visu o cari, Chi u tempu oscurà
Appacià li mio passi, Chi portanu a mandadura
Per i chjassi luntani, Persi in’ssa bughjura

Tengu sempre a mente, I muschi de l’albore
U ghjoddu di’ssi prufumi, ch’abbaghjuleghjanu l’ore
E chi strughjenu in bocca, Cum’un dolce sapore

Mi mancanu ‘sse stonde, À curà e staggione
U cantu di t’intronu, Quandu pichja u marrone
E la vostra presenza, A sera à lu fucone

Tantu mi scapa u pientu, È nasce u mio lamentu
Di rispira ‘ssa terra, Ne faciu ghjuramentu
Nanzuch’elli mi diinu, L’ultimu sacramentu.

G.F. Salge

Quantu sò ladr’è vulpacce
A sfruttà lù miopaese
Preghendu a santa pace
Sott’ù lenzolu francese
E tutti sti dibbiatori
Chi sterpan’ù miosperà
Di lozzu hanu l’odori
Cumè trècent’anni fà

C’hè dinùi sapientoni
Lesti è pronti à raspullà
In giru à li tavuloni
Manghjanu quind’è quallà
Accibati’à suvvensione
Dapoi quant’ùn si sà
Anu anc’à pretensione
D’imparacci à campà

E pò c’hè u traditore
Sempre atti à imbruttà
Schivosi è senz’onori
Chi si lasciacumprà
Dicend’à chi vole sente
Sò figliolu di’ssa terra
Senza mai vulè cunsente
Ch’ellu Corsu eri era

Ripigliu
Ò ghjente pisem’à testa
È alzemu la bandera
Dumane feremu festa
In tutt’a Corsica entera
Ò ghjente pisem’à tetsa
Femu front’à ssi furdani
È nanz’a l’ora funesta
Fora pristu ò li cani !

Lavighju Franceschi, D’Ottobre 2013

Joan zinen gau batez
Joan zinen lasterrez
Amodioa zinez
Herritarsunez betez.

Auter gure Uda lilia
Goizik histua
Ekainaren hogoitabatean
Erori fruitua.

MADDI era lu so nome
È UDA lu so cugnome
Uda vole l’estate
Quand’e pianure sò affiurate
É e rosule spannata

Ma di ghjugnu ottanta sette
Sò ghjunte e mille saette
U primu ghjornu d’istatina
Funesta fù la matina
Oscura l’alba matutina

In francia hè ghjornu di festa
Ma quandu l’orcu s’intesta
Di l’umanu ùn hà primura
UDA era basca è pure
É a so lotta era sicura…

Ùn hè fatalità
Anu tombu UDA
MADDI era lu so nome
É UDA lu so cugnome…


Le mio muse sò di cantu
Li mio estri sò in mossa
In u locu tenutu tantu
Trovu sempre la risposta
A st’amore cusi tamantu
Ch’eo ti portu o terra Corsa

Cù le tò muntagne altiere
Li tò ghjergali currenti
E tò serre sempre fiere
Aperte a tutti li venti
Qui si facenu e spere
E si tacenu i spaventi

Paesi inalpellati
Ch’un temenu più ruvina
Parenu instanterati
Dà i seculi in pulvina
Paisani aradicat
Sin’a la strema cunfina

Le tò coste cusi belle
Di culore inargenttate
Ci si lucenu e stelle
Quand’ellu ghjunghje l’estate
E di tant’affacatelle
Anu vistu le sbarcate

Ti poi, veste di biancu
A a ghjunta di e nivaghje
Tandu mai ùn mi stancu
Di le t’alpestre cuntrate
E si pienta ogni vantu
E lite sò appaciate

L’anni ùn ci ponu fà
Si sempre maravigliosa
Mi si pare di sunnià
A una fata pumposa
U furdanu d’aldilà
Manc’ellu un ci pò quelcosa

RIPIGLIU
Un sognu di Libertà
In fondu di e miovene
Oghje le vogliu stancià
O Corsica le tò pene
E di tante crudeltà
Strapperaghju le catene.

Niculaiu Giustiniani

Si un ghjornu senti a storia
D’una terra mai dumata
Cù li so seculi di gloria
E la sò ghjente arradicata
Dì che tuai in le to vene
Appena di ‘ssu paese
E che tu port’e sò catene
Li so dulori è le s’offese.

Ripigliu

Si un ghjornu ai ventu
Di bugìe ed’inganni
Chi fànu scappa lu pientu
E oscurà li verani
Dìlli a’ssi sapientoni
Chi’a nostra santa cultura
Hé di parechji rughjoni
D’onore e di dirizzura.

Ripigliu

Portali e fàli vede
Chi’a bandera bianc’è nera
L’avem’in core è ci dà fede
Cum’un ragiu di primavera
Dìlli chi la nostra storiaMai un si spinghjera
Chi lu ventu di’a vittoriaÀspiriata ci purtera
Chi lu ventu di’a vittoria
A ragione ci derà…

Ripigliu:
Dì chì’ssa bandera mora
Finch’un bracciu d’alzerà
Di pett’a la terr’entera
Per sempre sventulerà
Schjaffittend’a sfrancisata
Ancu davant’un armata